تحميل دليل معلم اللغة العربية للصف الرابع الابتدائي المنهج الجديد 2022 pdf

الوزير قال إن الإمتحان شهري وأنه في مخرجات التعليم.

تعالى بقى أفهمك يعني إيه #مخرجات_التعليم اللي الوزير يقصدها

الإمتحان اللي في الصورة تحت ده

من كتاب قطر الندى ص 67

وده تقييم تكويني على الوحدة الأولى

اللي بتضم دروس:

1-حوار مع د مجدي يعقوب

2-درس موطني

3-نشيد مصر

هنلاحظ في الامتحان الأتي:

أولاً: مفيش ولا كلمة عن الدكتور مجدي يعقوب في الفقرة، لكن هتلاقي الفقرة بتتكلم عن حالة مشابهة وهي طبيبة مصرية ناجحة ومعتزة بوطنها وإنتمائها لبلدها

يبقى أول مخرج تعليمي لازم نأكد عليه لطالب الصف الرابع في الوحدة الاولى وفعلا مشترك في الثلاث دروس هو الإنتماء للوطن.

ثاني حاجة مفيش معاني مفردات من اللي حفظها الطالب في الوحدة لكن المعاني كلها من فهمه القرائيّ زي بالضبط المفردات اللي كانت بتيجي في سؤال القراءة المتحررة

هل معنى كدة يا مستر مش نهتم بحفظ الكلمات لأولادنا؟؟

- لأ طبعا ابنك في مرحلة تأسيس ومحتاج يكون قاموس لغوي يستخدمه في حياته

فكل كلمة بيحفظها مهمه لكن الأهم من كده أنه يفهم معنى الكلمة مش بس يحفظ ويردد زي البغبغاء

ثالث حاجة هتلاقي سؤال عن استخراج تعبير مجازي من الفقرة، ودة معناه إنك مش هتحفظ ابنك التعبيرات الجميلة زي زمان، لكن هتفهمه إزاي يستخرج التعبير بنفسه من أي فقرة، والتعبير المجازي زي ما قولت قبل كده هو درس الحقيقة والخيال، فالتعبير المجازي هو الشيء الخيالي في الفقرة ،

زي ما قالت " إن لبلادها عطرا خاصا ".

وده طبعا تعبير خيالي يبقى مجازي

عايز أقول لكل معلم وولي أمر، إن التقييم ده مكتوب عليه من فوق على اليسار" كتاب مدرسي" يعني لازم تهتم بالموضوع وتشتغل عليه

حمل الدليل من هنا